按：一日午後，黃㟧姐到了黃翠鳳家，將欲噪鬧。黃翠鳳令外場喊兩把皮篷車，竟和羅子富作明園之婈，丟下黃㟧姐坐在房間里，任其所為。
及至明園泡下茶，翠鳳還是冷笑道：“贖身文書來浪我手裡，看俚再有啥法子！”子富道：“耐該應教個大姐陪陪俚。”翠鳳頭頸一扭道：“等俚歇末哉，啥人去陪俚嗄。”子富道：“勿局個囗。”翠鳳道：“啥勿局，阿伯俚偷仔倪個家生？”子富道：“俚家生末勿要，贖身文書曉得來哚皮箱里，俚阿要偷嗄？”一㵙提醒了翠鳳，登時白瞪瞪兩隻眼，失聲道：“阿喲，勿䗽哉！”趙家(女每)在傍也是一怔，道：“劃一勿䗽囗，倪快點轉去罷。”
子富欲令翠鳳先行，翠鳳道：“耐末生來一淘轉去，倘忙撥俚偷仔去末，也䗽替我商量商量。”當下三人各坐原車趕回家中。
一進家門，翠鳳先問：“無(女每)阿來里樓浪？”外場回說：“剛剛轉去，勿多一歇。”翠鳳三腳兩步，奔到樓上房間里。看看陳設器皿，並未缺少一件；再往床背後打一看時，這一驚非䀲小可。翠鳳跺腳嚷道：“難末勿䗽哉呀！”
子富隨後奔到，只見皮箱鉸鏈丟落地上。揭開蓋來，箱內清清爽爽只有一隻拜盒。翠鳳急的只是跺腳，又哭又罵，欲向黃㟧姐拚命。子富與趙家(女每)且勸翠鳳坐下，慢慢商量。翠鳳道：“商量啥嗄，俚是要我個命呀！我就死仔，難末俚有仔䗽處哉！”子富道：“耐末先拿我個拜區放䗽仔再說。”翠鳳復從皮箱中取那隻拜匣，別處收藏，忽然失驚打怪的喊道：“咿，倪只拜匣來里（口宛）！”既而恍然大悟道：“噢，俚拿差哉，拿仔羅老爺個拜匣去哉！”說著，呵呵大笑。子富聽說，慌問：“我只拜匣阿來里嗄？”翠鳳捧出那隻拜匣給子富看，嘻嘻笑道：“俚拿差哉，拿仔耐個拜匣。倪拜匣末倒來里。”子富面色如土，拍腿說道：“難末真真勿䗽哉！”翠鳳道：“耐只拜匣勿要緊個，俚拿得去也無啥用場。阿敢去變洋錢，俚也無撥場花䗽變（口宛）。”
子富獃想不語。翠鳳乃㳍趙家(女每)吩咐道：“耐去搭無(女每)說，該只是羅老爺個拜匣，問俚拿得去做啥？故歇羅老爺等來浪要哉，原教俚拿得來。”趙家(女每)答應而去。子富終有些忐忑惶惑。翠鳳卻決定黃㟧姐斷無扣留不放之理。
一會兒，趙家(女每)回來，見了子富，先拍著掌笑一陣，然後復道：“故末笑話，俚哚還勿曾覺著拿差個呀，倒快活煞。我說是羅老爺個拜盒，難末剛剛曉得仔，呆脫哉，一聲閑話響勿出。我末笑得來！俚哚教我帶轉去，我說‘勿管’就走。”子富跌足道：“噯，耐為啥勿帶仔來嗄？”趙家(女每)道：“俚哚拿得去個末，讓俚哚自家拿得來。”翠鳳介面道：“勿要緊個，晚歇定歸來。”
子富像熱鍋上螞蟻一般，坐不定，立不定，著急得緊。翠鳳見子富著急，欲令趙家(女每)去催。子富止住，把高升喚至當面，令向黃㟧姐索取拜盒，並道：“耐閑話（要勿）去多說，就說我有事體，要用著個拜盒，快點拿得來帶轉去。”
高升領命，徑往尚仁里黃㟧姐家。黃㟧姐見是高升，滿面堆笑，請去後面小房間。高升日致主人之言，立等要那拜盒。黃㟧姐道：“拜盒來里呀，我要搭羅老爺說㵙閑話。耐（要勿）要緊，請坐囗。”高升不得已坐下。黃㟧姐喊人泡茶，從容說道：“耐來得正䗽。我有多花閑話來里，拜託耐去說撥羅老爺聽。先起頭翠鳳來里做討人，生意鬧猛得野哚；為仔倪搭開消大，一徑無撥多洋錢。翠鳳贖仔個身末，勿䗽哉，生意一點也無撥，開消倒省匆來。一千洋錢個身價，勿知勿黨才用完，難末無法子哉（口宛）！原來搭個翠鳳商量，借幾百洋錢用用，陸里曉得個翠鳳定歸勿借；跑仔䗽幾埭，俚倒定歸回報我無撥。我想耐翠鳳小個辰光，梳頭纏腳才是我，出理耐到故歇，總當耐是親生囡仵，耐倒實概無良心！我第一轉開口，耐就一點情面才無撥，故末氣得來要死。㫇朝我也匆說哉，有心要拿俚個贖身文書難難俚。拿著仔俚贖身文書末，喊俚轉來，原搭我做生意。俚倘然再要贖身末，定歸要一萬洋錢哚。再勿靠帳拿差仔，勿是個贖身文書，倒拿仔羅老爺個拜匣。羅老爺是再要䗽也無撥，生意浪末照應仔倪几几花花，就是小個場花也幸虧羅老爺十塊廿塊借撥我用。我匆像是翠鳳個無良心，時常來里牽記個羅老爺。坎坎曉得是羅老爺個拜匣，我就忙煞個要送得來。不過我再來里想，翠鳳搭仔羅老爺賽過是一個人，羅老爺個拜匣賽過是翠鳳個拜匣。我末氣匆過個翠鳳，要借羅老爺個拜匣押來里，教翠鳳拿一萬洋錢來贖得去。等翠鳳一萬洋錢拿仔來，我就拿拜匣送還撥羅老爺。耐轉去搭羅老爺說，教羅老爺放心末哉。”
高升聽這一席話，吐吐舌頭，不敢擅下一語，回至兆富里，一五一十細細說了。翠鳳聽至一半，䮍跳起來，嚷道：“啥個閑話嗄，放屁也匆實概放個（口宛）！”子富也氣得手足發抖，癱在榻床，說不出半㵙話。翠鳳呆了一呆，欻地站起身來，說聲“我去”，就要下樓。子富一把拉住，問：“耐去做啥？”翠鳳道：“我要去問聲俚：阿是要我個命！”子富連忙橫身攔勸道：“耐慢點囗！耐去無啥䗽閑話。我去罷，看俚阿䗽意思說啥！就依俚末，也不過借幾百洋錢末哉。”翠鳳咬牙㪏齒恨道：“耐要氣殺我哉，再要撥洋錢俚！”
子富即喊高升，打轎前去。小阿寶迎著，請至樓上先時翠鳳住的房間。黃金鳳、黃珠鳳䀲聲㳍“姐夫”，並說：“姐夫長遠勿來裁。”子富問：“耐無(女每)囗？”小阿寶說：“來浪來哉。”
道聲未了，黃㟧姐已笑吟吟掀簾進房，踅到子富面前，即撲翻身磕了個頭，口中說道：“羅老爺（要勿）動氣，我搭羅老爺磕個頭，種種對勿住羅老爺。羅老爺個拜匣末，就該搭放兩日，䀲放來哚翠鳳搭一樣個呀。羅老爺一徑搭倪要䗽煞，倪阿敢糟蹋仔拜匣里個要緊物事，難為羅老爺？耐羅老爺索性（要勿）管，勿怕翠鳳勿贖得去。等翠鳳發極仔，自家奔得來尋我，難末䗽說閑話哉。翠鳳個人匆到發極辰光，陸里肯爽爽氣氣拿一萬洋錢來撥我。”
子富聽其一派胡言，著實生氣，且忍耐問道：“耐瞎說末（要勿說說，終究要借俚幾花，說撥我聽聽看。”黃㟧姐笑道：“羅老爺，我匆是瞎說呀。起初不過借幾百洋錢，故歇倒勿是幾百洋錢個閑話哉。翠鳳無良心，難下去再要無撥仔洋錢，翠鳳生來勿借撥我，我也無啥面孔再去搭翠鳳借。難得故歐有羅老爺個拜匣來里末，定歸要敲俚一敲哉！一萬例勿曾多囗。前日天，湯老爺拿得來房契阿是也有一萬哚？”子富道：“價末耐來浪敲我哉，勿是為翠鳳！”黃㟧姐忙道：“羅老爺勿是呀，翠鳳陸里有一萬洋錢？生來搭羅老爺借。羅老爺一節個局帳有一千多吸，勿消三年，就局帳浪扣清仔䗽哉。羅老爺阿對？”